ఐతే బాహుబలితో పోలిస్తే రుద్రమదేవికి కొన్ని మైనస్‌లున్నాయి. ఇది లేడీ ఓరియెంటెడ్ మూవీ. పైగా దర్శకుడు గుణశేఖర్ ట్రాక్ రికార్డు బాగాలేదు. దీంతో సినిమా బిజినెస్ విషయంలోనూ కొన్ని ఇబ్బందులు ఎదురవుతున్నట్లు సమాచారం. ఐతే ఏదేమైనా కానీ ఈ సినిమాను మార్చిలో విడుదల చేసి తీరాల్సిందే. లేకుంటే చాలా కష్టం. ఎందుకంటే ఏప్రిల్ 17న బాహుబలి విడుదల చేయాలని అనుకుంటున్నారు. ఆ సినిమా తర్వాత రుద్రమదేవి వచ్చిందంటే అంతే సంగతులు. ఎందుకంటే రెండూ యుద్ధ నేపథ్యంలో సాగే సినిమాలే. ఆ సన్నివేశాలే రెండింట్లోనూ ప్రధాన ఆకర్షణ. రాజమౌళి ఈ సన్నివేశాల్ని ఎలా తీసి ఉంటాడో అంచనా వేయొచ్చు. ఈ మధ్య లీకైన వీడియోలు చూస్తేనే సీన్ అర్థమైపోతోంది. గుణశేఖర్ ఎంత గొప్పగా తీసి ఉన్నా.. ఆ రేంజిని అందుకోవడం కష్టమే. అలాంటిది బాహుబలి విడుదలై, యుద్ధ సన్నివేశాల్ని జనాలు చూశారంటే.. మళ్లీ ‘రుద్రమదేవి’ చూడ్డానికి పెద్దగా ఆసక్తి చూపించరు. కాబట్టి ఏం చేసైనా సరే.. బాహుబలి కంటే ముందు రుద్రమదేవి విడుదల చేసి తీరాల్సిందే.
source:http://telugu.gulte.com/tmovienews/8456/Rudramadevi-fears-with-Bahubali
0 comments:
Post a Comment