అడ్డెడ్డే.. సమంత మళ్లీ ఏసేసింది!

చిన్న సినిమాల్ని ఎంకరేజ్‌ చేయడంలో ముందున్నా అనిపించుకోడానికి సమంత చేయని ప్రయత్నం ఉండదు. ఏదైనా చిన్న సినిమా రిలీజ్‌ అయి విజయం సాధించిందంటే... లేడీ శాంటా క్లాస్‌లా ఆ సినిమాని స్వయంగా ప్రమోట్‌ చేసేస్తుంటుంది. అదే అలాంటి సినిమాలో తనని నటించమని ఎవరైనా అడిగితే మాత్రం డేట్లు లేవని చెప్పేస్తుంది. చిన్న సినిమాల్ని ఎంకరేజ్‌ చేయాలి కానీ వాటిలో నటిస్తే రేంజ్‌ పడిపోతుందని సమంత బలంగా నమ్ముతుంది. అందుకే తన పాత్రకి అస్సలు ప్రాధాన్యం లేదని తెలిసినా కానీ ఏరి కోరి స్టార్‌ హీరోల సినిమాల్లోనే నటిస్తుంది. 

కానీ అడపాదడపా తాను కథాబలమున్న చిత్రాల్లో నటించడానికి ఎదురు చూస్తున్నానని, మంచి కథతో వస్తే తప్పకుండా సదరు చిత్రాల్లో నటిస్తానని, పారితోషికం కూడా అక్కర్లేదని కబుర్లు చెప్తుంది. కానీ ఇంతవరకు అలాంటి సినిమా ఒక్కటైనా చేసింది లేదు. కానీ మళ్లీ ఇంకోసారి సేమ్‌ స్టేట్‌మెంట్‌ ఇచ్చింది. ఇన్ని హీరోయిన్‌ ఓరియెంటెడ్‌ సినిమాలు చేస్తున్న వారెవరూ సమంతని అస్సలు కలిసి ఉండరనా? ఎవరైనా దర్శకుడు వెళితే కథేంటి అని కాకుండా హీరో ఎవరు అని అడిగేస్తూ మళ్లీ పత్రికల్లో బాగుంటాయని ఈ స్టేట్‌మెంట్స్‌ అన్నమాట.

SOURCE:http://telugu.gulte.com/tmovienews/8541/Samantha-promotes-small-movies#sthash.tWYoAlMw.dpuf