అయితే ఇప్పుడు ‘శ్రీమంతుడు’, ‘జమిందారు’ గా మారబోతున్నాడు అంటూ ఫిలింనగర్ లో వార్తల హడావిడి మొదలైంది. దీనికి కారణం ‘శ్రీమంతుడు’ టైటిల్ అంత క్యాచీగా లేదనీ యూనిట్ అనుకోవడంతో లేటెస్ట్ గా ‘జమిందార్’ తెరపైకి వచ్చిందని టాక్. అదీకాకుండా ఈ మార్పుకు ఒక సెంటిమెంట్ ప్రభావితం చేసిందని టాక్.
అక్కినేని నాగేశ్వరరావు నటించిన ‘శ్రీమంతుడు’ అప్పట్లో చెప్పుకో దగ్గ విజయం సాధించలేదనే సెంటిమెంట్ ఈ టైటిల్ మార్పుకు కారణం అని అంటున్నారు. దీనితో ‘జమిందార్’ అనే టైటిల్ వెలుగులోకి వచ్చింది అని టాక్. దాదాపుగా దీన్ని ఫైనల్ చేయవచ్చని ఫిల్మ్‌నగర్ టాక్. అక్కినేని నాగేశ్వరరావు, కృష్ణకుమారి, సావిత్రి జంటగా 1965లో ‘జమీందార్’ మూవీ వచ్చింది. అప్పట్లో ఈ చిత్రం బాక్సాఫీసు వద్ద హిట్ కొట్టింది.
అదేవిధంగా నాలుగేళ్ల క్రితం నాని హీరోగా వచ్చిన ‘పిల్ల జమీందార్’ కూడా కలెక్షన్లు రాబట్టింది. ఈ రెండు కారణాలు దర్శకుడు కొరటాల శివను, నిర్మాతలను ప్రభావితం చేయడంతో యూనిట్ అంతా ‘జమిందార్’ కు ఫిక్స్ అయ్యారని టాక్. ఈ సినిమా ఫస్ట్ లుక్ ని మహాశివరాత్రి రోజున విడుదల చేయాలనుకుంటున్నారు. ఆ లోపు ఈ సినిమా టైటిల్ విషయంలో ఇంకా ఎన్ని మార్పులు జరుగుతాయో చూడాలి.
0 comments:
Post a Comment