పవన్ మార్గంలో సంపూర్నేష్ !

ఇప్పటి వరకు హీరోగా నటించింది కేవలం ఒకేఒక్క సినిమా అయినా ఆ సినిమా క్రేజ్ తో సంపూ ఇప్పటికీ టాలీవుడ్ సెలెబ్రెటీగా కొనసాగుతున్నాడు. పవన్ కళ్యాణ్ కెరియర్ లో బ్లాక్ బస్టర్ హిట్ గా మారిన ‘అత్తారింటికి దారేది’ సినిమాలో పవన్ పాడిన ‘కాట‌మ‌రాయుడా, క‌దిరీ న‌ర‌సింహుడా’ పాట ఆ సినిమా ఘన విజయంలో ఎంత పాత్ర పోషించిందో అందరికీ తెలిసిన విషయమే.

ఇప్పుడు అదే పద్ధతిని అనుసరిస్తూ సంపూ లేటెస్ట్ గా నటిస్తున్న ‘కొబ్బరి మట్ట’ సినిమా క్లైమాక్స్ లో ‘కొబ్బరి పుల్లలు కలగలిపి’ అనే పాటను పవన్ బాడీ లాంగ్వేజ్ ని అనుసరిస్తూ పాదబోతున్నాడని టాక్. ఈ పాట చిత్రీకరణ కూడా ఇంచుమించు పవన్ అత్తారింటికి దారేది సినిమాలోని కాటమ రాయుడా పాట చిత్రీకరణను పోలి ఉంటుందని అంటున్నారు.

ఈ సినిమాలో మూడు పాత్రలలో సంపూ నటిస్తున్న విషయం తెలిసిందే. సంపూ పాడిన ఈపాటను త్వరలో విడుదల చేసి ఛానల్స్ లో హడావిడి చేద్దామని ఈ సినిమా నిర్మాతల ప్లాన్ అని టాక్. ప్రస్తుతం సంపూకు ఉన్న క్రేజ్ రీత్యా ఈ సినిమాకు బయ్యర్ల నుండి మంచి ఆఫరింగ్స్ వస్తున్నాయని తెలుస్తోంది.

ఇది ఇలా ఉండగా సంపూ అల్లరి నరేష్ చేస్తున్న ‘బందిపోటు’ సినిమాలో కూడా ఒక ముఖ్య కామెడీ రోల్ ను చేస్తూ ఉండటంతో త్వరలోనే ఈ బర్నింగ్ స్టార్ హడావిడితో ఫిలింనగర్ లో వార్తల హడావిడి ఊపు అందుకుంటుoదని విశ్లేషకుల అంచనా..

source:http://www.apherald.com/Movies/ViewArticle/78261/SAMPOORNESH-ON-PAVAN-WAY/